“மூக்குத்தி அம்மன்” படம் கடந்த 2020ம் ஆண்டு நவம்பர் மாதம் தீபாவளியை முன்னிட்டுதில் ஓடிடியில் ரிலிசான மிகப்பெரிய வரவேற்பைப் பெற்றது. படத்தில் நயன்தாரா மூக்குத்தி அம்மனாகவும், ஆர்.ஜே.பாலாஜி மற்றும் ஊர்வசி உள்ளிட்டோர் மற்ற கதாபாத்திரங்களிலும் நடித்திருந்தனர். ஆர்.ஜே.பாலாஜியுடன் இணைந்து என் ஜி சரவணன் இயக்கியிருந்தார்.
இந்த படம் டிஸ்னி பிளஸ் ஹாட்ஸ்டாரில் நேரடியாக வெளியான மிகப்பெரிய வெற்றி பெற்றது. இந்த வெற்றிக்கு முழுக்க முழுக்க காரணம் நயன்தாராதான் என்றால் அது மிகையாகாது. சமீபகாலமாக ஆர்.ஜே.பாலாஜியின் படங்கள் எதுவும் ஓடாத நிலையில் இப்போது “மூக்குத்தி அம்மன்” இரண்டாம் பாகத்தை இயக்க உள்ளதாக சொல்லப்படுகிறது. இதற்கு மாசானி அம்மன் என பெயர் வைத்து வேலையை ஆரம்பித்துள்ளதாக கூறப்பட்டது. இப்போது முதல் பாகத்தைத் தயாரித்த வேல்ஸ் இண்டர்நேஷனல் நிறுவனம் நயன்தாரா நடிப்பில் மூக்குத்தி அம்மன் 2 உருவாக உள்ளதாக அறிவித்துள்ளது. இது சம்மந்தமாக வெளியாகியுள்ள மோஷன் போஸ்டரில் நயன்தாராவின் பெயர் தவிர வேறு எந்த கலைஞர்களின் பெயரும் இடம்பெறவில்லை. ஆர்.ஜே.பாலாஜியின் பெயரும் இடம்பெறவில்லை என்பதால் அவர் இந்த படத்தில் இல்லையோ என்ற சந்தேகம் எழுந்துள்ளது.
