அதிமுக முன்னாள் அமைச்சர் ஜெயக்குமார் அண்ணாமலை ஏழு ஜென்மம் எடுத்து வந்தாலும் அதிமுகவை அழிக்க முடியாது என பேசியுள்ளார்.
பாஜக பிரபலங்கள் மற்றும் அதிமுகவுக்கும் இடையே சமீபகாலமாக வாய் சண்டை தீவிரமடைந்துள்ளது. சமீபத்தில் பாஜக தமிழக தலைவர் அண்ணாமலை எடப்பாடி பழனிசாமியை விமர்சித்து பேசியிருந்தார். இந்த விமர்சனம் அதிமுகவினர் இடையே கோபத்தை ஏற்படுத்தியுள்ளது. அண்ணாமலை பேச்சுக்கு பதிலளிக்கும் விதமாக செய்தியாளர்களிடம் அதிமுக முன்னாள் அமைச்சர் ஜெயக்குமார் “அதிமுக மாபெரும் இயக்கமாகும். அதை அழிக்க யாராலும் முடியாது. கருணாநிதியாலேயே அது முடியவில்லை. எனவே அண்ணாமலையின் அப்பா வந்தாலும், அவரது அப்பாவின் முப்பாட்டன் வந்தாலும் அதிமுகவை ஒன்றும் செய்யமுடியாது. அதிமுகவை தொட்டுப் பார்க்க நினைத்தால் அவர்கள் கெட்டுப் போவார்கள். எனவே அண்ணாமலை ஏழேழு ஜென்மம் எடுத்து வந்தாலும் அதிமுகவை அழிக்க முடியாது. அண்ணாமலை 3 வயது குழந்தை. இந்த குழந்தை 52 வருட ஆலமரம் போன்று இருக்கும் இயக்கத்தை அழிக்காமல் விடமாட்டேன் என பேசுவது விரக்தியின் வெளிப்பாடே” என பேசியுள்ளார்.
