உலக பணக்காரர்களில் முதலிடத்தில் இருந்த எலான் மஸ்க் தற்போது அதிக சொத்துக்களை இழப்பதில் கின்னஸ் சாதனையை பெற்றுள்ளார்.
எலான் மஸ்க் அடிக்கடி சர்ச்சையில் சிக்கி உலகம் முழுவதும் பிரபலமானவர். சமீபத்தில் கூட சமூக வலைதளமான டுவிட்டரை மஸ்க் வாங்கியது முதலாக அவரது செயல்பாடுகள் உலகளவில் பெரும் விமர்சனங்களை ஏற்படுத்தி வருகிறது. டுவிட்டரை வாங்கியதும் அதன் முக்கிய பொறுப்பு அதிகாரிகளை பணியை விட்டு தூக்கிய எலான் மஸ்க், இனி டுவிட்டரில் ப்ளூடிக் பெறுவதற்கு மாதம் 8 டாலர் (இந்திய மதிப்பில் 650 ரூபாய்) கட்டணமாக செலுத்த வேண்டும் என அறிவித்துள்ளார். இந்நிலையில் இப்போது அவர் தனது சொத்துகளின் பெரும்பகுதியை இழந்து கின்னஸ் சாதனை படைத்துள்ளார். கடந்த 2021ம் ஆண்டு நவம்பரில் அவரின் சொத்து மதிப்பு 320 பில்லியன் டாலராக இருந்த நிலையில் தற்போது 137 பில்லியன் டாலராக அது குறைந்துள்ளது. இது இந்திய மதிப்பில் சுமார் 15 லட்சம் கோடி ரூபாய் ஆகும். இதன் மூலம் அதிக சொத்துகளை இழந்தவர் என்ற கின்னஸ் சாதனையை அவர் படைத்துள்ளார்.
